Bølgja for dei unge

Bølgja for dei unge er ei aktivitetsveka for ungdom, arrangert av frivilligsentralen og Vindafjord bibliotek i slutten av juni månad. 

Program 2022

17. - 27. juni vert det arrangert aktivitetsveke for ungdom i Vindafjord kommune! 

Hausten 2021 tok kultur- og læringssenteret bølgja for dei eldre. Inspirert av suksessen tek me i veke 25 bølgja for dei unge som er født i perioden 2004 – 2010. Aktivitetane me steller i stand famnar vidt, slik at flest mogeleg kan finne ein aktivitet som fenger.

Måndag til fredag byr biblioteket på gaming med blant anna byggekonkurranse i Minecraft. I same periode er det LEGO-veka. Tysdag arrangerer UngBibliotek og Frivilligsentralen pizzakveld kor me får besøk av Odin Heggebø som vil fortelje om korleis det er å vere transmann. Onsdag er det UngKreativ på dagtid og LEGO-byggekveld på ettermiddagen. Torsdag startar UngEkstrem opp, og laurdag blir det høve til å vere med på kurs i digital teikning. Bølgja for dei unge blir avslutta med tur til Kongeparken måndag 27. juni.

Alle arrangementa er gratis. UngKreativ, UngEkstrem, kurs i digital teikning og Kongeparken har påmelding og eit avgrensa tal med plassar.

Velkomen.

For meir informasjon sjå i kalenderen eller ta kontakt med frivilligsentralen eller biblioteket!