Kvar tysdag klokka 18.00 - 20.00 er det open møteplass for ungdom på Kultur- og læringssenteret, Sjøperlo i Ølen. På UngTysdag kan ein henga saman med venner eller bli kjend med nye personar frå andre bygder. Ein kan spela brettspel, bingo, kahoot, playstation, switch, driva med gaming, høyra på musikk, vitja UngBibliotek og mykje anna. Tilbodet er gratis, og du står fritt til å stikka innom oss i opningstida. Det er og ofte gratis mat som pizza og pølse i brød. 

Vekentlege oppdateringar kan ein få ved å leggje til "UngVindafjord" på Snapchat. 

Tilbodet er eit samarbeid mellom Vindafjord frivilligsentral og Vindafjord bibliotek. 

Skyss
Det går rutebuss frå Vikebygd (via Bjoa) kl. 17.20 og frå Imsland kl.16.00 og kl.17.30, sjå kolumbus.no.

Natteravn
I samarbeid med FAU på Ølen skule er det foresatte og frivillige som går natteravn i Ølen sentrum samtidig som UngTysdag held ope.